Перидин нини

Гъвечlи Перид вилерай,
Авахьзава булахар.
Кьацlай гъилер алтадиз,
Чиниз гузва сувахар.

Рикl хъуткьуниз,куз-хъукьваз,
Шехьзава ам датlана.
Ни вучнатlа мад адаз-
Тахьуй дидед гатана?

Ваъ,гатанвач дидеди,
Кlвалахалла бубани.
Чара шеъ я къе дерди,
Бес гьикl хьурай кlубанди?

Гъиле нини аваз ам,
Кlвач галкlана алукьна.
Ханва нинид са кlакlам-
Перидин тlуб галукьна.

Вичивай хьай кlвалах я-
Чизмач гила вучдатlа.
Крар шулугъ,начагь я-
Ни тухуда устардал?

Са йис чlехи стхади,
Михьна адан нагьв чинин.
Авуна вах архайин:
Туькlуьрда за ви нини!

Къачуна фад тlакlавай
Кутlа,михер,мишерни.
Хабарсуздик дидедкай-
Чара герек шеерни.

Кленж,чукlул,хех,муткъаб...
Алатар вири кlватlна.
Нини эцигна патав,
Кlакlам хъийиз агатна.

Зур сят,са сят,кьвед...
Пелен гьекьер юргъ хьана.
Алахъна гъвечlи Эсет-
Эхир кlвалах куьтягьна...

Шехь хъийизмач илигна,
Кис хьанава бицlи руш.
Лугьуз жезвач килигна-
Рази яни,рази туш...

Адан рикlел аламач:
Вуч тир нинид хайиди?
Вучиз бес кlвач галамач?
Са вил тиртlа хьайиди?...
03.12.19 г.