Да-да-дай! хьог1 дуне, да-да-дай! мустафа ганижев

 ДА-ДА-ДАЙ! ХЬОГ1 ДУНЕ, ДА-ДА-ДАЙ!    Мустафа Ганижев

Да-да-дай! Хьог1 дуне, да-да-дай!
Ма дувца цунах шаьра къамаьл.
Укха дунен т1а лешвар хулаш лай,
Ер вахар бац-кха лерх1ама маьл!

Да-да-дай! Хьог1 дуне, да-да-дай!
Чахка вадавезар хьог1, чехка.
Мела са хул дегачар кадай,
Эрга дунено са дег1 хехка.

Да-да-дай! Хьог1 дуне, да-да-дай!
Дукхаг1а со тийшар хул моастаг1.
Са сий доадеш, цо лочкъабу сай,
Ер дуне да, из къувсар ванаг1!

Да-да-дай! Хьог1 дуне, да-да-дай!
Укха дунен т1а ца1 х1ама дац,
Кашачу дилла, шийца дахьа.
Баьдеча вужаш ца1 мара вац,
Кхоачаш сона декхаре аха.

Да-да-дай! Хьог1 дуне, дададай!
Дуненчохь ваьхар уллув воацаш,
Укха дуне т1а лешвар хулаш лай,
Бена бала, духьал ца1 волаш.

Да-да-дай! Хьог1 дуне, да-да-дай!
Сенна деза ер дуне лерх1а?
Мела са хул дегачур кадай,
Са доалаш б1аргах бода берхьа.

Да-да-дай! Хьог1 дуне, да-да-дай!
Дезац сона доаккхал в1алла.
Ер да са юххера доаккх иллий,
Валача со вужавеш 1оажалла…

Да-да-дай! Х1ог1 дуне, ва, да-да-дай!
Ма дувцал сона д1аходар, да-да-дай!
Вахар дац къавалача – да-да-дай!
Ай, меца борз я хьо – да-да-дай!

                2013 шу