За шиирар кхьизва ваз .
Вуна абур кIелзавани ?
ТахьайтIа кIан тушни акваз,
Лагь, вун завди хъелзавани ?
За йифериз хана ахвар,
Кхьиз,ч1уриз кIвалахзава.
Зи регъвелла ч1алан ч1ахар
Вун рик1еваз алахъзава.
Муьгьуьббатдин авайтIа каш,
Вун руьгь бушдиз амукьдачир.
Зи чIахаркай ийидай аш,
Архайин яз ацукьдачир.
Са вахт хьайла чене зурзаз,
Кваз такьурбур къадри течиз,
КIелда вуна гьайиф чIугваз,
Нери "фимпIиз", вилер кьежиз.
КIелда вуна...
© Copyright: Тамила Хуршидова Салманова, 2019
Свидетельство о публикации №119120101335
Свидетельство о публикации №119120101335
Рецензии