Вымiрае вёска Беларусi...
Вымірае вёска Беларусі.
Там ні працы, ні людзей няма.
І ляцяць самотна ў вырай гусі.
Можа б засталіся, ды – зіма!
А ў калгасах – у гаўне кароўкі
Ды адзін прыпынак – хочаш, едзь!
Удавіцца, ды няма вяроўкі!
Застаецца – толькі песні пець.
Сто даляраў нават не заробіш,
А заробіш, з кім ты іх прап’еш?
І здароўе – панская хвароба:
Ці жывы, ці мёртвы, а жывеш…
Хаткі ўсё, закінутыя хаткі…
Тут палацаў зроду не было!
Паўміралі бедныя салдаткі,
Памірае беднае сяло…
Школы ўсе даўно пазакрывалі,
І маю “пад бізнес” прадаюць…
У хацінцы Бандарэнкі Валі
Болей бабы песні не пяюць!
Недзе там у бацькі над магілай
Белыя бярозы, як абрус…
Не пазнаць мне Беларусі мілай,
Вымірае наша Беларусь…
22. 11. 2019 г.
Свидетельство о публикации №119112207415