И дуьньядик зи пай квай туш,
Руьгьни кIвачер кьадакьравай.
Бахтар авай фейжан я буш,
Адал зи тIвар кхьей къалай.
КIамач уьмуьр, рагъ алай югъ,
Чан аламаз жегьннемдавай.
Нел ракъурин залум ажугъ,
Сив кIевнавай шешелдавай?
Квез жезвачни зи сузад сес ?
За фу незва ивид фурай.
Са иллагьи авачни бес
Зи гъил кьадай мичIи сурай !
И дуьньядик зи пай квай туш
© Copyright: Тамила Хуршидова Салманова, 2019
Свидетельство о публикации №119112101710
Свидетельство о публикации №119112101710
Рецензии