У прыгарадным лесе
Мяшкі з цэлафану,
як сведкі пра час,
пракладкі для паннаў,
шкарпэткі, абцас;
крывая патэльня
і з дзюбаю чайнік,
пластмасавы пеўнік,
пажарны вяшчальнік;
гадзіннік, транзістар,
з кам’ютара плата,
указы міністра
на будні і свята;
вяшчун-тэлевізар
з падсмаленым вокам,
з пабітаю пысай
мабільная nokiia,
часопісы контры,
між іх баравік,
з разяўленым ротам
стары чаравік.
А вунь і дымок
віецца, як змейка, –
і зноў незнарок
з акуркам зямелька.
Свидетельство о публикации №119111905086