Зи хайи Чил дамах гва вав
Кьил хкажна виликна хур
Кьуд патахъай кьунва на цав
Партал я ви къацу махпур.
Хъвана ви дамаррай ятар ,
Зи дамарра хьанва иви.
Зирек я зун шад яз гьалар
Бегьер гужлу хьайила ви.
Зи хайи чил дамах гва зав
Ви къужахда хана лугьуз.
Ават тавуй лугьуз зал зав
Вун мукъаят хьана лугьуз.
Нефесдикай на къачузвай
Гана зазни са гъвеч/и пай
Биришарни хвел ат/узвай
Ви яшарин тушт/ани тай.
Ви къуьлерин нек/ер я заз
Чир авурди Ватандин гад.
Ви тик , четин рекьер я заз
Къалурайди уьмуьрдин дад.
Ви руш я зун такабур вал
Темен гуз ваз, агатайла.
Шад жеда зун хурам яз гьал
Ви сергьятрал акъатайла.
Зи чил
© Copyright: Гулья Мисриханова, 2019
Свидетельство о публикации №119111108982
Свидетельство о публикации №119111108982
Рецензии