Эрна дуаш дац дуне.
Безамо гойт цlе буне.
Безам молха хиле отт.
Хийла, гаргалонаш хотт.
Кера йlовхал эшаш мо.
Къаьга lуйре йоагlаш гу.
Наб-са доацаш, уйлаш са,
Тегаш йоагlа седкъий ха.
Безам боацаш - дуне дац.
Безам боацар, кхетаргвац.
Цо ма сийрда наькъаш дехк.
Дега пхьаьнаш масса лехк.
Цо лехкийта тийрка хий.
Тохалийта масса цlий.
Дега седкъилг лотаеш.
Седкъий зlанараш гу, беш.
Гаргалонаш тегаш цо,
Хийра къамаш хоттаду.
Безам молха хиле отт.
Хийла, гарга пенаш дотт.
Гlалгlайче, 6. Лайчила бутт 2019 шу
Эрна дац дуне
© Copyright: Микаил Сапралиев, 2019
Свидетельство о публикации №119110606535
Свидетельство о публикации №119110606535
Рецензии