Къар ма ле. Ва дог са, къар ма ле.
Йоачонаш тlагlолла деттале.
Гlетта дода майра лаьча мо.
Илли оалаш аз дергда хьона гlо.
Йоачонаш тlагlолла деттале.
Дикаш гойташ дуне эхьаде.
Маьлхара илли мел оаларахь.
Вахарахь ма доха, зовзарахь.
Сиха ма ле дог. Сиха ма ле.
Сеткъа седкъа хинна, хьо оттале.
Гlетта дода гlалгlай аьрзи мо.
Иллеш декаш лов са де хьона гlо.
Сеткъа седкъа хинна, хьо оттале.
Дега бийсаш лепаш лотале.
Къар ма лелахь. Деха аз, майра дог.
Шоршаш баккха, курро lа хьай ког.
Гlалгlайче, 02. Лайчила бетта 2019 шу
Къар ма ле
© Copyright: Микаил Сапралиев, 2019
Свидетельство о публикации №119110208370
Свидетельство о публикации №119110208370
Рецензии