Пlелгах лич бохийташ мо.
Лазар деш, дог детталу.
Лергашка зов ухаш хет,
Синалеторг низткъа лет.
Голаш етташ така мо,
Хийла са хьувзаш тарло.
Ма дукха ха я вай ца гу.
Аз уйлаш айса йита - хьу.
Аьттув боаца ди-бийса,
Корага хьежа нийса.
Хиннад. Хиннадац. Фу де.
Магац сай дега сакхе.
Лазар деш, дог детталу.
Аз дехар ду, къар ма ло.
Къарлуш деттале чlоагlа.
Лоамашка боллаш бlоагlа.
Цох седкъа дlахьокхалуш,
Ший сийна сердало луш.
Тохалуш хилба хьо пха,
Дийнбеш са даькъаза са.
Гlалгlайче, 26. Тов бутт 2019
Сийна сердало
© Copyright: Микаил Сапралиев, 2019
Свидетельство о публикации №119102604433
Свидетельство о публикации №119102604433
Рецензии