Зулун этюдар
АцIанва мад жигъирар
Зулун пешерив.
Шумуд жуьре рангадин
Пешцин лешерив.
Кьузуьдан хьиз чкIанва
Зулун хиялар.
Гьарад санихъ лув гана
Фенвай аялар.
2017.
КIарна гатун йикъарин
Ценеркай зарлу
Ахвар патал акална
Йиферик зулу...
Гуьгьуьлдавай мурадар
Акъудна кьилиз,
Секин хьанва тIебиат,
Хъверзава милиз.
Герекзамач тандаллай
Зар-зиба, дамах,
Хъфизва ам ахварал,
ЧIугна дегьруьн агь...
2015.
зулун этюдар
© Copyright: Римма Гаджимурадова, 2019
Свидетельство о публикации №119102202766
Свидетельство о публикации №119102202766
Рецензии