Ачуз уткан бицIи кIари,
УнтIаъ лизи къашкъа айиб.
Шулча кьюрид йигъан икриъ,
Ергури, тамшир апIури.
Гьаз-вуш, дустран а хябяхъди
Ахъ’ан зяиф сес ебхьури.
Тувунза укI – ипIурадар,
Шид гъабхунза – убхъурадар.
Сесер гьич кам шулдар ахъ’ан
«Яраб, дустраз фу гъабхьнийкIан?»
Хябяхъ дубхьна, амма хяр’ан
Баб - хюнди гъюз апIура кьан.
Ригъ алабхъну, баб дуфнадар,
ЮкIв тIубкIруси дуст рабгура.
ГъафнийкIана аьхю бала
Ич бицIи кIардин кIул’инна.
ЦIиб вахтналан хъубкьну магьа,
Гъибихъу йиз дустраз сабаб!
Разивал’ан, гьигьлан дубхьна,
Дуфну хъубкьган ахъиз чан баб.
***
Варидиз айиб ву дада.
БицIиризси, курцIлиз, гатдиз
Гъачай ихь дада уьрхюрхьа,
Имдруган,уьмур шулу пис…
КIардин дерди
© Copyright: Гюльмагомед Расулов, 2019
Свидетельство о публикации №119092807017
Свидетельство о публикации №119092807017
Рецензии