(«Танъ йылдызы» иджра эткен йыр)
Омюрде тек бир сефер
ашкъ ола экен, дейлер.
Юрек бирден исине,
джанлана, чечеклене.
Севдалар ичюн йылдылар яна,
эм бутюн Земин айлана!
Багълама:
Зульмет алеминде эбедий юрсем де,
Джоюлсам да, къызлар, эпбир оны севеджем!
Севги алевинде, ай, янып кетсем де,
Куль олсам да, къызлар, эпбир оны севеджем!
Дюнья масалгъа ошай -
ашкъ юрегимде яшай.
Кунь-куньден алевлене,
рухлана ве севине.
Ташлар устюнде гуллер ачыла,
къуванч элимде, янымда!
Багълама.
09.12.18
Эпбир оны севеджем!
© Copyright: Эльмара Мустафа, 2019
Свидетельство о публикации №119091900115
Свидетельство о публикации №119091900115
Рецензии