Достлар къувана, ана-баба яшлана,
Той акъшамы башлана,
Янъы ёлгъа биринджи адымлар атыла.
Янъы омюр акъкъында сатырлар языла.
Багълама:
Элимдесинъ севгилим,
Энъ назик бир мелегим,
Юрегим саибеси,
Омрюмнинъ хазинеси.
Миннетдарым коклерге,
Аллахнынъ эдиесине,
Бар олгъан ичюн джаным
Сен меним такъдиримде.
Эм къуванч эм кедерде берабер олунъыз.
Эр даим эр шейде ачыкъ олсун ёлунъыз.
Санки дерсинъ бир арзунынъ эки къанаты.
Олсун айырылмаз шу севги аяты.
Багълама.
Ноябрь 4, 2015 с.
Той акъшамы
© Copyright: Эльмара Мустафа, 2019
Свидетельство о публикации №119091808884
Свидетельство о публикации №119091808884
Рецензии
