ХУДО БОР

             Иймонингиз мустахкамлигига ва согломлигига аминмисиз? Агар сиз Ислом динидан хабардор ёки намозхонлар оиласида дунёга келган булсангиз, бу хам сизга Мехрибон Роббимнинг бир инъомидир, агар акси булса-чи? Аксарият ёши 30-40дан ошганлар собик иттифок даврида тугилиб, вояга етганларни ташкил этади. Уларнинг орасида Аллохга бехисоб шукроналар булсинки, болалигидан Ислом илмини пухта урганганлар, шунингдек кейинчалик эсини йигиб, мусулмонлигига икрор булиб аста-секинлик билан дин илми сирларидан вокиф булаётганлар нихоятда куп. Аммо, атеизм таргиб килинган даврда тугилиб усганлар,  Астагфируллах ва лекин, хатто калимани билмаганлар хам йук эмас. Ундайлар йук дея эътироз билдиришга шошилманг, бундайлар атрофингизда йук экан, демак бахтли инсонсиз. Келинг яхшиси бошингизни “чукур фалсафам” билан котирмасдан, хаётимда руй берган, узим гувох булиб иштирок этган вокеани сузлаб берсам…
       Мактабимизда хамма укитувчилар орасидан ажралиб турувчи, юкори синфларда дарс утувчи бир укитувчи буларди. У хамиша хилма-хил, аммо бир хил рангдаги костюм-шимда, кордек оппок, ёка ва енглари мукаммал дазмолланган куйлакда, буйнида галстук, кора чарм папкасини  култиклаганча мактаб коридоридан ёки мактаб ховлисидан утиб кетар экан, синфдош кизлар билан у кишини ортидан караб колиб “Юришидан министрга ухшайди, нега мактабда укитувчи булиб ишларкан-а” – дея хиринглашиб колар эдик.
      Адашмасам 6-7чи синфда укирдик. «Хорижий давлатлар тарихи» , «МДХ давлатлари тарихи» ёки «Хукукшунослик” фанининг илк дарси, тугриси аниги эсимда йук. Укитувчи йуклигида укувчиларнинг гала-говури одатий хол. Хаммамиз мазза килиб бир-биримиз билан сухбатлашиб утирардик, кимдур дафтарини орка томонига расм чизиш билан банд. Яна кимдир сунгги партада икки кулини бирлаштирганча мизгиб олиш билан банд.  Синфдошлар чугурлашиб утирган эдик, тусатдан эшик очилиб синфга шиддатли кадамлар билан уша укитувчи кириб келди. Кулидаги папкасини столга куяр экан, жиддий ва курс овозда:
- Салом кани? – деди.
Бутун синф укувчилари урнимиздан туриб жур овозда “Ассалому-алайкум” дея саломлашдик. Стол устидаги синф журналини очар экан, алек олмай, буйрукона охангда :
- Утиринглар! Синф рахбаринглар ким? – деб суради.
Синф рахбаримиз кимлигини айтиб улгурмасимиздан зарда килгандек журнални тарсиллатиб ёпди-ю, урнидан туриб доска ёнида у ёкдан – бу ёкка шахдам кадамлар билан юра бошлаб, бирваракайига гап бошлади:
- Мени исм-шарифим Ботиров  Жахонгир Обидович (узгартирилган).
Муаллим, устоз, домла эмас, факат Жахонгир Обидович деб мурожат килинглар! Бугундан бошлаб сизларга “Хорижий давлатлар тарихи” (ёки «МДХ давлатлари тарих» ёки «Хукукшунослик» дарсимиди эсимда аник йук) фанидан дарс утаман. Лекин аввал шуни таъкидлаб утмокчиманки, дунёда бор хар кандай динлар, яъни зардуштийлик, насронийлар, яхудийлар дини,  буддизм, мусулмонлар  дини, уларни мукаддас китоблари ва эътикодлари аслида мавжуд эмас.. Бу нарсанинг барчаси лоф, топилма ва булмаган гаплар. Аклли сиёсатчиларнинг гала ахмок халкларни бошкариш учун уйлаб топилган сафсатасидан узга нарса эмас! – унинг овози борган сари йугонлашар , кошлари эса чимирилиб, ичида аллакандай нафрат авжланаётгани яккол сезилиб турарди.
- Аслида хеч кандай Худо йук! Хеч кандай пайгамбарлар, мукаддас китоблар хам булмаган ва йук, бори эса бор-йуги ту-ки-ма! (Астагфируллах) Тукима тушундингизми? Аклли сиёсатчилар уйлаб топган сафсата холос бу! Худо йук, Худо йук! – деганича салкам бакира бошлади, тавба килдим.

       Бутун синф сув куйгандек жимжит. Биринчи марта утилаётган ушбу дарсда, узокдан кузатиб юрган укитувчини илк марта юзма-юз куриб турибмиз ушанда. Хаммамиз уни нафакат газаб, нафрат билан сузлаётган гаплари, биринчи дарсни бошиданок бакирик даражасига кутарилган нуткидан нафасимиз ичимизга тушиб кетган эди. Ушанда бу кишини юзига караб туриб, у хеч кандай истарали эмас, аксинча ута совук башарали, жахл билан олдинга, ортга кадам ташлаб юришидан калтакесакка ухшаса, газабланиб гапираётган гапларидан ингичка кошлари жирканч шилликкуртларгами, чувалчангларгами ухшаб кетарди. Астагфируллах! У эса тинмас, жазавага тушгандек давом этарди:
- Худо йук, пайгамбарлар хам, китоблар санлага ухшаган соддаларни алдаш учун пухта уйлаб ёзилган сафсата холос. Худо йук! Худо йук… Кайси биринг гапимга кушилмайсан? Ким орангизда Худога ишонади? Ким? Кайси биринг?

Гарчи намозхонлар оиласидан булмасак-да, бирок бутун синфимиз узбеклар, мусулмонлардан иборат эди. Телбаларча вахимали нуткиданми, дахшатга солаётган хулкиданми, 30 тача укувчидан биронтамиз лом-мим дея олмасдик. Шу жумладан мен хам. (Шартта урнингдан туриб завуч ёки мактаб директорини чакириб келмайсанми демаган-да ички овозим хозиргидек уша пайт). Ичимда факат “ Нахотки бу уша, качон бизга дарс бераркан деб юрган укитувчим шу булса?! Ташки куринишидан ута маданиятли, ахлокли, зехни уткир инсонга ухшаш бу инсон, бунчалар баджахл булмаса деган фикрлар утарди холос. Кунглим колди десам юмшок сузлаган буламан, кандайдир жирканишга ухшаш хис пайдо булди ичимда. Хайратдан ёка ушлаб уни кузатар эканман, яширмайман синфдошларим катори ичимда аллакандай тахлика, куркинч бор эди… Сизни бу хол газаблантириб, гашингизни келтирар балки, бирок ишонинг 12-14 ёшли усмир укувчилар  кутилмаган бу вазиятда кандай узини тутиши мумкин? Эслайманки, ичимда “Сани гапинг санике, фикринг узингга сийлов, ман  уз фикрим, ишончим, этикодимга барибир содик коламан” деган фикрда эдим.

    Бу динсиз Нусхага  дарс утишга ким рухсат берибди? Унга уз фикрини, айнан дин борасидаги шахсий фикрини мактаб усмирларига рухий тазйик, газаб ва нафрат билан мажбурлаб сингдириш ваколатини ким бериб куйибди? Уйлаб карасам ушанда Узбекистон мустакил булганига атига 3-5 йил булган чамаси. Балки, укитувчилар етишмаганидан “кимдир дарс бериш керакку” кабилида унга уша дарс утишни юклашгандир, кайдам…

        Синфдошларим хаммаси аскарлардек текис утирар, дераза ортига караб алланималар хаёлимдан утар. Бирок бу Худобехабар, тавба килдим, бакиригида давом этарди. Аслида хаттоки сал баланд овозда гапиришса , сал дук оханги сезилса  хушламайман тугриси. “Нега буни  кичкирик товушига кушни синфдаги укитувчи чикмаяпти экан-а? Нега? Качон бу дарс тугар экан-а, сани шунча пайтдан бери дарс утишингни кутганимиз эсиз-е, эсиз… Э, ургилдим сандака замонавий олифтадан, усти ялтирок, ичи калтирок таскара…. Роса дарсингга кирмай, кочиб юрарканмизда, деган уй -хаёлда утирар эканман, мияда битта фикр качон бу дарс тугаркан, намунча узун дарс булмаса бу..  Дарс бошланганига 15-20 минут булдики, бу Нусхани жазаваси хеч пастламас.

- Эсларингда булсин, Худо йук! Йук!!! (Астагфируллах)
 Адашмасам 2  катор 4 партада утирган сочлари типратикандек сарикчадан келган, синфимиздаги йигитлар орасидаги энг забардаст, гавдали, Фарход исмли бола чидай олмай, урнидан турди-ю:

- Домла нега унака дейсиз? Худо бор!Бунака дейишга хаккингиз йук  ( Тахминан шу сузлар, каерини узгартириб айтаётган булсам Аллох кечирсин, эслаганимча ёзяпман)
- Нима дединг? Канака Худо? -баттар динсиз Нусха бакира кетди.
Фарход овози бироз калтираган охангда:
- Худо бор, Аллох Худойимиз, биз мусулмонмиз- деди.
Борган сари хатти-харакатидан  илонга ухшаб бораётган Нусха Фарходни олдига келдими-йукми аник эслолмайман. Лекин буйрукона овоз  билан:
- Тур урнингдан, тирранча! Худо йук! Йук, тушундингми а? – деди дагдага билан.
Фарход уша гавдаси билан одамсимон динсиз бу укитувчи махлукка бир мушт туширмаган эканда ушанда, аттанг…
- Худо бор, домла! Худо бор! – деб жавоб кайтарди партадан туриб.
- Хой аклли, далилинг, исботинг борми? Исботла Худоинг борлигини! - деди Нусха.
Синфдошлар бурчакка тикилган мусичалардек вокеани хаммамиз кузатиб утирибмиз.
- Канака исбот, домла? – деди Фарход бироз эсанкираб.
- Манга домлалама, факат Жахонгир Обидович деб мурожат килларинг!
Ман  укитувчиман Худо йук деб таъкидлаяпман, сан мишки манга Худо бор деяпсан! Далилинг? Нима киберди санга Худоинг? Ким у Худоинг, далил, исботла!. Масалан, мисол тарикасида… !!!!
30 тача укувчи  бола хаммамиз узбек, мусулмонлармиз, балки орамизда умуман хеч ким ушанда калима кайтаришни билмагандир, кайдам... Фарход сал асабийлашса дарров кизарадиганлар тоифасига кирарди. У бир пасда кизариб кетди, титрок овозда:
- Масалан… Масалан Худо бизларга хамма нарсани беради, егулик, кийим-кечак… Нима ёрдам сурасак ёрдам беради. Худо бор! Худо бор!!!
- Хой аклли, фамилиянг? – укитувчи махлук столдаги журнални очди.
- Нурбоев Фарход… - деди Фарход паст овозда.
- О, ахмок санга егулик, кийим-кечакни ота-онанг 6-8 соатлаб ишлаб, давлат тулаган ойликка сотиб олади. Худони бунга алокаси йук тушундингми? – деди асаб билан.
- Худо бор домла, Худо бор… Биз ундан нима сурасак у бизга доим ёрдам беради, Худо бор!!! – Фарходга ачинардим, узимни бепарволигимдан эса ич-ичимдан уялардим, хаммамиз амин булган хакикат учун битта узи мардларча енгилмасдан курашарди. Бутун синф эса соткинлардек, куркиб кузатардик бу жараённи.
- Э ахмок! Ёрдам беради? – истехзо билан кулди укитувчи махлук.
- Кундалигингни олиб кел Художуй! Хозир ман журналга икки куяман, кундалигингга хам, сура кани Худоингдан ёрдам берармикан-а? Агар ёрдам бермаса, демак Худо йук!
Фарход кузлари ёшлана бошлади:
- Домла-е, унака килманг, Худо бор! Унака килманг, Худо бор…
- Домлалама манга, Жахонгир Обидович деб мурожат кил! Ол кундалигингни ! – деди буйрук билан.
Фарход бошини эгиб, домла столига кундалиги билан борар экан:
- Худо бор! Домла икки куйманг…. Худо бор! Унака килманг-е.. - деб гавдали елкалари чуккандек туюларди.
Махлуксимон Нусха намоишкорона журналга, кейин кундаликка кизил сиёхли ручка билан отни калласидек иккини катта килиб куйиб, бутун синфга куз-куз килар экан:
- Ана курдингларми, Худоси ёрдам бермади, ёрдам бермади! Ман нима дедим Худо йук, пайгамбарлар хам, китоблар хам, динлар хам сиёсатчиларни оми халкни бошкариш учун уйлаб топган сафсатаси холос, хамманг кулогингга кургошиндек куйиб олларинг! Худо йук, йук!!! – дерди кузлари ёниб.
- Астагфируллах Субханаллохи аллийюл Азийм!
Фарход кундалиги билан урнига кайтар экан, кули билан кузларини артиб, куз ёшини хаммадан яширишга харакат килиб шивирларди:
- Барибир Худо бор!!! Барибир Худо бор…  Худо бор… Фарходни ичидаги Хакикати учун ич-ичимдан уша онда фахр сездим. У икки бахо билан маглуб эмас, аксинча Голиб булиб кайтди! Фарход, Ота-онангга рахмат, синфдош! 30 та болани ичида довюраклик билан узингдан 15 - 20 ёш катта виждонсиз махлукка ХУДО БОР, деган иймонинг мустахкамлиги учун рахмат синфдош!


Кунгирок чалинди. Хаммамиз гуёки чиябури исканжасидан кочгандек эшикка отилдик.
Коридорда синфдош угил-у кизлар Фарходни ураб олиб мактай кетдик:
- Фарход шу аблах билан тенг булдингми е? Зурсан, мардсан! Хафа булма, томи кетган укитувчи экан. Баракалла, койиле!!! Буш келмадинга, эркак, эркак!!!
Аслида эса Фарход динсиз укитувчи махлук назарда тутгандек Худоси учун эмас, хаммамизнинг динимиз хакикатини химоя килиб ягона Роббимиз Аллох эканлигида иймони мустахкам эди!!!
Биз колган синфдошларни оиласида нега Фарходда булган зарра диний тарбия булмаган экан дея аттанг деб коламан. Илмни кечи йук, насиб, Ин шаа Аллох! Сизчи бу хакда фарзандингизга, калби ожиз дуст, танишингизга бир огиз суз деганмисиз?
 Мустахкам ва соглом иймон, икки дунё саодати, эзгу дуолар ижобатини тилаб….
                Хурмат ила Мадина 18.07.2018 /18.55/