Шауаланы Разият
СЮЙМЕКЛИК
Сюйгенлеге къучакъ керген,
Къыйын жолда эсеп берген,
Ачыуунгу къысха этген,
Къыйын сагъатынгда жетген
Сюймекликди, сюймеклик.
Къатлап ариу сёзле тизген,
Ала бла жарсыу юзген,
Жаз башын кийирген кюзге,
Кёп къаратхан кюзгюлеге
Сюймекликди, сюймеклик.
Кюн-кече юйюнге къайтхан,
Аламат жомагъын айтхан,
Сора жюрегинге батхан,
Сюймекликди, сюймеклик.
Сюймеклик
© Copyright: Разият Шаваева, 2019
Свидетельство о публикации №119091005522
Свидетельство о публикации №119091005522
Рецензии