Шауаланы Разият
СЮЙСЕНГ…
Сюйсенг, къышны этесе жаз,
Къууанч – бюркюп, жарсыу а – аз.
Сюйсенг, жайны этесе къыш,
Болуп сёзюнг, кесинг да тыш.
Бурмазма дейме эсими
(Алай сюеме кесими!),
Къуру да кюн тийип турса,
Арбазымда ёсмез мурса.
Сабий кюледи тюшюнде,
«Насыпды бу!» – деп тюшюне,
Къарап турабыз экибиз,
Анда тохтайды эсибиз.
Аллах къызгъанмасын бизге –
Санга, манга – экибизге
Жазны, жайны юлюшюнден,
Насып, къууанч бёлюшюнден!
Не аз керек тюйюшюрге!
Не аз керек сюйюшюрге!
Былай жашайды хар адам,
Андан жарыйды танг алам.
Сюйсенг
© Copyright: Разият Шаваева, 2019
Свидетельство о публикации №119091005454
Свидетельство о публикации №119091005454
Рецензии