ЧУХСАГЪУЛ, ГЬАР!
Чухсагъул, гьар ! Яв йимиш
АпIури ава битмиш,
Никкси туври яв шире,
Ранг ктатури гьар жюре,
Ригъарихь гьебхри йигъан,
Аьтирар курзри дифран,
Агъзур мархьлик жибкIури,
Уччву накьиш бикIури,
Уьбхюри микIарихьан,
КIажари апIури жан.
Аьхю зегьмет дизигну,
Дигмиш хьайиз дилигну,
Аферин, гьар, яв йимиш
Вардариз апIбан багъиш!
Чухсагъул, гьар! - Спасибо, дерево!
© Copyright: Эльмира Ашурбекова, 2019
Свидетельство о публикации №119090704537
Свидетельство о публикации №119090704537
Рецензии