Мерцхалаш кийчо йеш доахк, наькъах тийша,
Шоай жутта халхараш сона хетадеш.
Вешта гуйрен жуккаргаш бадаш ба бийша,
Комараш мангала хьувкъаш йоахк беш.
Тедаш латт сигале, хийла аре а тедаргйа,
Ер аре йизза хьал lаьржа гlаттад хутт .
Хац сона укх дега са, цlаьхха фу хетаргда,
Ткъовроша дагарйеш эйлуш латт бутт.
Са гlайгlа йоазон меркх йузаргйа тешшаме,
Мерцхала халхараш – къоастара куст .
Йувцаргйа lадика аз дог чlехкош, безаме,
Лархlа дийзад дага мел доагl укх гуйра йуст .
Мерцхалаш кийчо йеш доахк, наькъах тийша,
Шоай lаьржа халхараш сона хетадаь.
Йуцаргйа lадик цар, ди доаккхаш хийша ,
Беттала бийса са къин лотайаь.
Гlалгlайче, 23. Мангала бетта 2019 шу
Мерцхала халхараш
© Copyright: Микаил Сапралиев, 2019
Свидетельство о публикации №119082302354
Свидетельство о публикации №119082302354
Рецензии