Бирса дохк, хlана досса лаьтта?
Менот кхераш йист хlана лув?
Да сона кхы цхьа чlаьпилга даьтта,
Йерзаш йац са дега хьув.
Овла боаккхаш, жержа са даьгlе ,
Сешха сахьат леденнад.
Кирапошт хьовзош, йоассайир раьгlе ,
Гlалгlай оахам гlовзденнад .
Хийша да тхо, кура лоамаш,
Оаш ма баккх тхох тахан бехк.
lоажал кховдош, моцал, хоамаш,
Йувлаш сома хьув, пхаьнаш кхехк.
Цlувнал дайра укх мехк, пошт эхош,
Хьайбашта тарра дуга тхо.
Къаман цхьоагlо хилар эгlош,
Данзар цхьаккха гlийла гlо.
Гlалгlайче, 22. Мангалa бетта 2019 шу
Хийша къам
© Copyright: Микаил Сапралиев, 2019
Свидетельство о публикации №119082202548
Свидетельство о публикации №119082202548
Рецензии