Бинедилай хкяна на,
Духтурдин пеше.
Ви бажарагъ, ви чирвилер
Ракъурна ише.
Кутугайбур ви гьар са кар,
Ви камар сечме.
К1вализни хуьруьз хьана вун
Ахлакьдин чешне.
Тербия-ирс,къачур вавай,
Хазина девлет,
Ви камалдин финжандавай
Теклифиз шербет.
Зи балайриз къе ви тарсар
Тикрарзава за.
Намусдив хуьн ви т1вар,ви кар
Икьрарзава за.
Зун галатдач икрам ийиз
Ви уьтквемвилиз,
Мукьвал-мукьвал кьил ч1угвада,
Къведа куь к1вализ.
Куьн галачир югъ такурай,
Акун я сувар !
Диде зи чан, зи рикI ятIа,
Буба я лувар !
Бубадиз
© Copyright: Тамила Хуршидова Салманова, 2019
Свидетельство о публикации №119081906357
Свидетельство о публикации №119081906357
Рецензии