* * *
Руш тир чIавуз юрта хьана рехъ гатаз,
Гагь ракъини, гагь аязди хъвехъ гатаз.
Булах- багьна,ана маса кар авай
Яргъарилай заз килигиз, яр авай.
Свас хьайлани къариди зун пIирел хьиз
Рекье твадай хийир дуьа мецел гъиз.
Варцелди кьван атана квар вугудай,
«Ирид хцин диде хьуй вун,»- лугьудай.
БачIах руш туш,я свасни туш дамахдив,
Кайвани яз яцIа авай кIвалахдин,
Киф чуьнуьхна кьил кутIунна бешмедал,
Къе атанва зун «Булахдин» чешмедал.
Зи азизбур, за квез «салам» лугьузва,
Эбеди яз дуствилин гъил вугузва.
Заз дуьа це, заз верги це, заз цIай це,
Куь камалдин хазинадай заз пай це
Булахдиз
© Copyright: Тамила Хуршидова Салманова, 2019
Свидетельство о публикации №119081906208
Свидетельство о публикации №119081906208
Рецензии