Декабрдин варз
Зи динжвал кутурди завалдик,
Декабрь, вакай зи ханва рикI.
Чан тиртIа экечIдай кавалдик,
МуркIадин къаяб я, къанва рикI.
Гъамарин дагъ гъана агудна,
Заз дяве авурди малумар.
Зи хъверни, зи шадвал къакъудна,
Гьикьван за эхда ви зулумар ?
Сифтедай, инсафсуз, рикI алай
Къакъудна зи багъри кас вуна.
ЧIулавна зи уьмуьр, цуьк алай,
Кьаз туна даиман яс вуна.
Къиб кьван заз къанва ви савугъ куц,
КичI ава, къурху я вун атун.
Писвилин вакай заз хьанва гъуц,
Акъваза, бес я ваз зун гатун !
© Copyright: Тамила Хуршидова Салманова, 2019
Свидетельство о публикации №119081906148
Свидетельство о публикации №119081906148
Рецензии