Наьна-да - мел й1овхал тела цу дешо,
Мел сийрда ханаш хезача духхьала яйта,
Цу къаьнача сагий къонача сино
Дуненцара безам са дега чу байта.
Дукха дайна, форд санна, сийна б1аргаш
Са вахара дагадоалаш кастта делха,
«Хьай сий лакха лоаттаделахь, са йо1» - яхаш
Хьаьна хьехамаш хозийтта дадас мелха.
Цун х1ара дош да къоарга ма1анца дизза,
Хаькъалахь къега воккхача сагий корта,
Шераш д1ауха ца хоатташ сога, къиза,
Т1ехьтохамца вас вахара наькъаш дотта.
Са коталонаш кхееш, сох са доалаш,
Ший вахар са духьа лаьттан цо лургда.
Наггахьа санна, гаьна наькъа арайоалаш,
Цо даьча ду1о вонах лораергья.
Ма мотта самукъа я цун доккхача ц1аг1а,
Коа на1араш сона массаза йийла латт.
Са дегага енача 1аьржача, шийлача г1айг1ан,
Бала кодабе хов цун й1овхалона атта.
Наьна-да
© Copyright: Дали Цечоева 77, 2019
Свидетельство о публикации №119081804540
Свидетельство о публикации №119081804540
Рецензии