Оаха кашамашка чурт догlаргда,
Цига доагlаш да из латта.
Дийцадар — кхалхаргба, дlабаргба,
Цига улла боагlа из атта.
Оаха дега чу сурт оттадергда,
Цига доагlаш да из даха.
Кора къайлача дlа, ниl еларгья,
Хьо гlерталахь, гlерталахь баха.
Дукха ха я, чурт дегlа хьона,
Хьа сийлане воагlаш саг гац тхона.
Хьо банаб аьнна — ала йиш яц къона,
Вешта бежаб оалургдац уна а.
Хьал айбе хьай корта, айде хьай дегl,
Къар ма ле, нидз ураоттабе!
Ханне ирбу хlаьта хиво жагlа,
Йоазбокъо хьай метта юха оттае.
Гlермане, 3. Муттхьала бетта 2019 шу
Бенна бежар мотт
© Copyright: Микаил Сапралиев, 2019
Свидетельство о публикации №119081804402
Свидетельство о публикации №119081804402
Рецензии