Килигайт/а вил вегьена зи уьмуьрдин йикъариз
Цавара цифер къекъвена , рехъ гайид туш ракъариз.
Гьак/ ят/ани жез сабурлу
Къалуриз зи к/енивал
Къачунай за такабурлу
Ракъинивай чимивал.
Йифен вахтни чуьнуьхнай за
Гьанани экв куьк/уьрнай
Гагь гуьне жез гагьни къуза
Уьмуьр жуваз туьк/уьрнай.
Девирри къвез зун гатана
Гьикьван хьурай, бес-лугьуз
Чуьнуьхайдай за дат/ана
Жуваз вахт йифиз-юкъуз.
Тахсир хиве кьазва жуван
Къалабулух квай гьал я
Жезвайдини зи суд-дуван
Руьгь чуьнуьхдай ажал я.
10.04. 2019.
Г.Мисриханова
Угъри я зун вахт чуьнуьхай
© Copyright: Гулья Мисриханова, 2019
Свидетельство о публикации №119073006979
Свидетельство о публикации №119073006979
Рецензии
