Зэман дэк1ауэ уэ укъэслъэгъуащ,
Зы зэман гуэр уэ ф1ыуэ услъэгъуат.
Сэ къысщыхъуами усщыгъупщэжа,
1уплъэгъуэ закъуэм гур ирихужьащ.
Сэ абы щыгъуэ гум сыкъигъэпц1ат,
Уэ укъэзгъанэу нэгъуэщ1 псэгъу щысщ1ам?
Е сежьэурэ уи псалъэм сезэшат?
Арауэ п1эрэт сызыгъэгубжьар?
Щы1ащ уэ си гум укъыщык1ыжа,
Гур абы щхьэк1э зыи мып1ейтея.
Зэми къысщыхъут сэ сыхущ1егъуэжа,
Си лъагъуныгъэм сэ сыкъигъэпц1а.
Си лъагъуныгъэр, хьэуэ, мык1уэдат,
Си гущ1эм адэ жыжьэу ар исат.
Зэран къысхуэмыхъуну зигъэпщк1уат,
Уи зэ 1уплъэгъуэм ар къришэжьащ.
Уи щхьэцыр уэсым хуэдэу къетхъухат,
Уэрат сэ зы зэман ф1ыуэ слъэгъуар.
Уи сурэт къудейт сызы1уплъар,
Ирихужьэну гур абы лъэк1ащ.
Июль, 2019гъ
Зэман дэк1ауэ уэ укъэслъэгъуат на кабардинском
© Copyright: Кипова Лена, 2019
Свидетельство о публикации №119072307445
Свидетельство о публикации №119072307445
Рецензии