Гьар са ламраз вичин тевле
Чир хьайитlа хъсан я,
Тахьай ч1авуз тухуз зегьле,
Аквадайди шуван я.
Вичин дердер вине кьуна,
Чарабуруз хур гуда.
Мурдарди мез сиве кьуна,
Адалатдиз кlур гуда.
Лацудакай чlулав жеда,
Иштагьдиз нуш тахьайтlа.
Вичикайни жунгав жеда,
Маса кас хуш татайтlа.
Мецел Аллагь, кьиле шайтlан:
Акунриз са малаик.
Усал фагъир ийиз гьейран,
Алцур ийиз чlаларив.
Кьарада тваз ви карни тlвар,
Таб-гьялледив гьайифар
Ийиз, жеда мердимазар,
Тlуртlа вичин тарифар.
Буш келледин кар вине кьаз,
Буш келлеяр сад жеда,
Герек тушир тlвар вине кьаз
Намусдикай яд жеда.
Етим такваз кьил къакъудда,
Пlеркьи жеда вилерни,
Пиштl лагьайтlа вил акъудда,
Тух жедай туш зегьерни.
Гьар са ламраз...
© Copyright: Магомед Мирзоев Мирзой, 2019
Свидетельство о публикации №119070808595
Свидетельство о публикации №119070808595
Рецензии