Са шумуд йис идлай вилик
;Кхьенай заз вуна чар,
Дарихвилин т1ар ви рик1ик.
Квайди ганай заз хабар.
Шиирни на рекье тунай"
Къизилгуьл" тир адан т1вар.
Гьа къалай гъил гъиле кьуна
Хьана чакай чаз вахар..
Я заз вавай, я ваз завай
К1андай зат1ни хьайид туш-
Сад Аллагьди вили цавай
Чаз багъишна гуьруьш хуш.
Шумуд йис я чун гьар гатуз
Багърияр хьиз к1вализ къвез,
Сада садаз сирер лугьуз:
Гагь чун шехьиз, гагь хъуьрез.
Квар къуьневаз вун "Булахдал" -
Чешмед вилик атана.
Куьмек гузва заз к1валахдал, -
Чешне жеда, - лагьана.
Къени къилих, михьи ният
Авай лезги вах я вун,
Дустаривни ац1ай гьаят -
Чун патал са рагъ я вун.
Мубаракрай ваз хайи югъ
Яргъаравай Гуьльжагьан!
Давам хъия вуна къуллугь,
Лезги Булахдин инсан!
Гюзел@
Гуьльжагьан вахаз
© Copyright: Гасанова Гюзеля, 2019
Свидетельство о публикации №119070104090
Свидетельство о публикации №119070104090
Рецензии