Мадни ахъа хьанва пакаман ярар,
Амач йифен гарар,кьезил шавгьар я.
Векьерал ацlукьай лацу гевгьерар
Ви йифди ишенвай вилин накъвар я.
Мадни экуьналди йиф чlичlнава на,
Кьуна лацу ястух на жуваз сирдаш.
Са умуд квачир ашкъ на рикlе ттуна-
Амма ам...са кlусни ви къайгъудавач.
Вун анал кузава,зун инал куз я,
Ваз кlани тир садаз кlанзавайд туш вун.
Гьикьван аксивилер авайд я базан-
Икьан заз кlани яз,ваз кlанзавач зун.
Текдиз са заз чизва вуч чlугазва на,
Текдиз зун хабар я ви агьвалдикай.
Кешки вазни закай хабар яз хьана
Са тlимил чиз тиртlа зинни гьалдикай...
Вучиз кlанивилин вил буьркьуь жеда?
Им гьихьтин мугьуббат,ашкъи ятlа жал:
Вун гьич кlандачир сад гевилди кьада,
Амма вун кlанидаз эцигиз я цал...
Ахъайдан,ахъайдач...ваз жуван сир за?
Тахьайтlан заз чизва на гудай жаваб.
Гьим пара кудатlа чна килигда,
Вун жуван ашкъинай,яхут зун-жуван...
20.06.19 г.
Гьим пара куда?
© Copyright: Намик Фарзалиев, 2019
Свидетельство о публикации №119063006716
Свидетельство о публикации №119063006716
Рецензии