Лезги булахдин дустариз...

Лезгидиз - лезгидалди салам це!
Рикl михьи яз, жуван ачух гъил гице.
Агъузармир жуван кицlни - яхъ вине,
Кlвале тахай кlвач хадайди туш къеце.
 Низами ВАТАН

Сагърай, Низами стха. Ви шиирдин цlарари зи къелемдизни и нисинин вахтунда хцивал гана, зи дустарихъ галаз зав шиирдалди рахаз туна:

Квез нисинин хийирар!-
Лезгидалди лугьузва.
Гьикl я крар, кефияр? -
Дуствилин гъил вугузва.

Гьихьтин цlийи хабарар
Ава хайи ватанда?
Суфрадик - фу, афарар,
Аш, дулма хьуй къажгъанда.

Вахт хьайила, акъата,
Чи булахдал куьн, дустар.
Дидед(ин) чlалал рахада,
Сад жедайвал чи къастар.

И сериндик атана,
Дердерикай лугьуда.
Булахд(ин) паквал кьатlуна,
Адлай чешне къачуда.

Чи гьар садан дигедин
Гъвечlи пlипl хьуй и БУЛАХ!
Чlалал жуван, дидедин,
Рахаз, дустар хьуй жувахъ.

И Булахдин стlалар
Дарман хьурай - дарихдаз!
Чlалан четин суалар
Гьализ кlан яз - къарихдаз.

Лап яргъара авайдаз
Атурай дад Ватандин,
Шииррал рикl алайдаз
Булах Меке хьуй илгьамдин.

Квез и чlаван хийирар! -
Верцlи чlалал лугьузва.
Салам, зи, стхаяр, вахар! -
Лезги ваха лугьузва.

Гюзел@