Руьгьдиз кфет гудай ризкъи-
Берекетдин шагь я шиир.
Кьиляй туш ам-рикlяй къвезвай
Хурун нефес,агь я шиир.
Тесниф я ам,тешпигь я ам,
Къалабулух,тешвиш я ам.
Гагь виртедин верцlи тlеям,
Гагьни рикlин ттагъ я шиир.
Ашкъи я ам,байих я ам,
Мугьуббатдал къаних я ам.
Ярдиз кlела-лайих я ам,
Ифей темен,пlагь я шиир.
Шиир кхьиз гьазур хьанан-
Хкяй гафар,тини ишан!
Свас физавай ийер рушан
Чина авай ягь я шиир.
Гатун чими йифен чlавуз,
Кьил хкажа,килиг цавуз.
Гъед ргазвай кьакьан гьавиз,
Цавун вили тагъ я шиир.
Тlебиатдиз гатфар къведа,
Руьгь ргада,рикl хъуьреда.
Гьатна ттарар мад цуькеда,
Атир гузвай багъ я шиир.
Живер цlана,вацlуз къвезвай,
Селлер ацlуз-ацlуз къвезвай,
Кlеняй виниз къацу жезвай
Тlам я,дуьз я,дагъ я шиир.
Легьзе шиир,уьмуьр шиир,
Гьар пипlе са суьгьуьр,шиир.
Намик,жуван кеф чlур мийир-
Гьикьван гагьди сагъ я шиир.
Шиир
© Copyright: Намик Фарзалиев, 2019
Свидетельство о публикации №119052503983
Свидетельство о публикации №119052503983
Рецензии