Хъиперкай басня

Йикъаркай са йкъуз виревай хъипер,
Кьуркьуриз хьаналда,къакъунна сивер.
Акахьна ван ванцик гьатна вире къал,
Гьуьлерин паччагьдиз хабар фена жал.
Паччагьди эмирна вичин везирдиз,
Везир гьазур хьана гьал тенезирдик.
Жузана паччагьди:"Вуч къалмакъал я?
Чира вуч хьанватlа,вуч дерт я,тlал я!"
Везирди ракъурна хъипериз илчи,
Илчи буш хтана-дилмаж галачир!
Икl акур везирди эмирна адаз:
"Чlехиди абурин гъваш-тахьуй гатаз!"
Хъиперин чlехиди гъана илчиди,
Чир хьана везирдиз:хъипрез кичlе тир!
Везирдиз фитагьдиз чизвай хъипрен чlал,
Яргъитиз суална:"Вуч я куь тlал-квал?"
"Везир вун сагърай,чун кьарадва кьуьд-гад,
Пара хьанва чи сан,рагъул жезва яд.
Белки на чаз мад са гъвечlи вир гуда,
Хъиперин са паяр гьаниз акъудан".
"Гьинай гъин за квез мад са чара вир,лагь,
Ваз чара жагъурда:на заз рехъ къалагь!"
Хъиперин чlехидаз теклиф хуш хьана,
Менфят акуна вичин-буш хьана:
"Везир вун сагърай,за къалурда ваз рехъ-
А вириз тухана са гъвечlи къван вегь".
Хъиперин регьберди лагьайвал хьана-
Вегьизман вириз къван,хъипер лал хьана.
Чlехи къиб хсуси вирева гила,
Вичин мукьа-кьили,хзанар галаз.
Садзурра къал гьатда мадни а вире,
Везирдиз чизва кьван:вучда,гьи жуьре?!
.....Нетижа хкатда зи къиссадкай вуч:
Гьар йетен хъипрекай регьбер жедайд туш!