Любовь Абубакра к Пророку Мухьаммаду солля ллоах1у

Керасто Мухьаммад д1аве аьнна
Пхьа хургбоацаш,шоайла цхьа барт бир:
Х1ара тайпан сага тур бе делла
Из ве аьнна цар шоай кийчо йир.

Х1ара Аллах1 лорвеш ва Ший Элча
(Даьлер салот-салам хилда цун).
Тийша болх цун кечбе наха лайча,
Х1ижрат де, аьнна, амар кхоача цунг.

Даьла Элча (Даьлер салам хилда цун)
Вахар Абубакраг дар д1адувц.
-Арадовла деза вай наькъа тахан,-
Хоам бир цо, - хьо ва везаргва соца.

Селлара г1адваха ше водаш цунца,
Б1аргех хий даьнна АсСиддикъ вийлхар.
Ц1аг1 мел дола рузкъа шийца ийца,
Даьла Элчанца ваха цо кийчо йир.

Кхераш воацаш наькъа йола халон,
Ше цунца водаш из кха хинна вар.
Из везар цун тар хиндац вайчун,
Элчан хьалхар вал из кийча вар.

Сатоссаш ший ц1аг1ар ара ваьнна,
Б1арга т1ехь ца гуш цу кераста,
Мухьаммад новкъостаца новкъа ваьлар,
Ч1оаг1аг1волчун болх ший т1абилла.

Наькъа болхаш Савр хьаг1ар чу
Юхасаца лаьрх1ар Пайхьмаро.
Ший барзкъ дохдаь, 1ургаш д1акъайла
Маьрша йир из моттиг Сиддикъо.

Йиса 1ург д1акъовлаш, цо ший ког
Х1ара 1урга 1от1аоттабир.
Х1аьта Элча набар тар кхийттА,
Цун кар корта а билла 1овижар.

Цигача аратекхача текхарго
Царгаш хьекхаш кога лазар дир.
Х1аьта готвеннач Абубакро
Меттахьар ца воалаш сабар дир.

Пайхьмара ца боабе набара сатем,
Сатехар цо б1аргаш дувшадаь.
Х1аьта а 1обахача цу хи т1адама
Ваьккхар Даьла Элча набарах.

Хьана велх хьо, х1ай Абубакр?-
Мухьаммадо цунга хаттар дир.
Хиннар хайча, ший кулг 1охьакха
Мухьаммадо чов цун ерзайир.

Ер з1амаг1дола дакъа мАра дац
Мел вийзав вай Элча Абубакра.
Деррига вай хьоах даь дарг а дац.
Аллах1 раьза хилва Абубакра!