Заланбур тир дагъдин вацlун дердияр,
Югъ-къандавай тlимил жезвай яд адан.
Са арх хьтин аквазмай ам дереда,
Кичl гьатнавай чанда тамам кьурадай.
Шумуд йис тир кьурахь физвай гьаваяр,
Юргъар,марфар кьит хьанавай дагълара.
Чlулав цифер кlватl жезмачир цавара,
Къвалар къвана,адан дерди сагъаран...
Инсанрини вил куднавай лап адкай,
Къерех тирвал багълар,салар кутунвай.
Вацlуз амай жизви ядни акална,
Азгъунвилив,паяр-пуьштер хъувунвай.
Нефсин гъиляй алатнавай рикlела,
Архайиндик кусанавай къефлетда.
Фикир тийиз,хъи мад селлер хкведа,
Муьгьлет хъжеч,тlебиатдиз минетдай...
Гьакlни хьана-зулун чlимел са юкъуз,
Суварин кlукl кьуна чlулав цифери.
Марфар къвана,юргъар хьана,къван тухуз,
Дере тирвал ван акъатна селлерин.
Вилик куткай ттар-тlам,салар тухвана,
Са тlимилни яргъазарна къерехар.
Михьи хьана,фена селлер,чухвена...
Жезтlа хъуьтуьл бес инсандин къилихар?
11.05.19г.
Вацl
© Copyright: Намик Фарзалиев, 2019
Свидетельство о публикации №119051607037
Свидетельство о публикации №119051607037
Рецензии