Дургъби мадиаб гьат1и

Дургъби мадиаб гьат1и
Бебк1ибтала сар бек1ни,
Сар иларад аркьули
Бургъантала г1яскурти.

Бирара хъумартес?
Дургъбала суратуни:
Агартири шин держес
Х1илла х1урк1би ах1енти.

Х1унт1ен-ц1удара закра,
Х1или дясунти кьарра,
Игути вац1урбира,
Бяхъибти бургъантира.

Ухьа агар кабихьес,
Беркала агар беркес,
Бархьибтири бургъахъес
Хьулли жявли керхахъес.

Дучиб далли ц1акьани
Нушала бургъантани.
Фашистунас вайгъубзни
Игьуб далли х1ярх1уби.

Урцх1ерцар дуклумарти,
Душмантала арцанти,
Жянт1х1едирар ванзурби,
Ват1а гьат1и душманни.

Х1ебла шаладикили
Чарбирулри бургъанти
Поездуни дашули
Дуги-х1ери бикули.

Биуб чарбиубтазиб
Бухънаби ва жагьилти,
Арати ва чулахъти,
Даршути бурх1ни хибти.

Биаб даршудеш ц1акьли,
Диур керт1ибти нургъби,
Бургьаб улкала жагьти
Дургъби агарли гьат1и!

Дунъя азадли саби,
Дубурти хамли сари,
Игитунала ц1акьли
Бац-берх1и сар ухули.

Дагъистанна нартани,
Россияла бургъанти,
Урехиагар ч1акни
Бахъбааб х1ушагъунти!

Узбиван х1ербирули
Калаб г1ялам-адамти,
Улкаличи, халкьличи
Халал пахру бирули!

Рурх1аб лямц1ардик1ули
Зубарти заклизирти,
Абулхъаб савли берх1и
Ухаб ситх1рула шалми!

Мадиаб гьат1и дургъби,
Умули дашаб х1урк1би,
Г1ях1ла хабар бихули,
Дуги-х1ери х1еили!