Суварин къуна зур сят ацlукьна зун,са шиир хьтинди кхьиз жезтlа лугьуз-са затlни кьилиз атанач).Къе санлай ихьтин са кьезил туькуьрун гана заз зи илгьамдин периди).куь дувандиз ахъайзава...Садни:гафаргандай жагъанач-"малгъула",нугъатдин гаф я жеди,низ чида?)
Я бахтавар лезги эллер,
Мад яран сувар атана.
Бес я кусайд,ахъай вилер,
Ахъай дакlар,вар-атана.
Гвадра чандай малхулаяр,
Гьатрай танда гъулгъулаяр.
Гьикlда,вучда-сургъудаваз,
Жемир байхабар,атана.
Бес я хъуьтlуь турди кlеве,
Тапан вязер кьурди хиве.
Гьарай-вургьай цlана живер,
Чилериз гатфар атана.
Тlебиатдиз ягъана къаз,
Цавай къвезва дурнад аваз.
Югъни,йифни кьведни тараз
Хьана,барабар атана.
Лезги жегьил,лезги бике,
Це ашкъидиз жуван рикlер.
Зи шадвални кьвед хьана къе-
Ярахъ галаз яр атана.
Атана
© Copyright: Намик Фарзалиев, 2019
Свидетельство о публикации №119033002574
Свидетельство о публикации №119033002574
Рецензии