Къе дагълара серин гьава къекъвезва,
Жив цlуруриз рагъ цавара хъуьрезва,
Билбиларни багъларилай элкъвезва,
Бахтлу сувар, Яран сувар мубарак!
Кlвач вегьенвай цlийи йисаз гьуьрметин,
Пис к1валахар терг авуна, лянетин,
Бахтуникай даях ийиз, девлетин,
Бахтлу сувар, Яран сувар мубарак!
Экуьнин шагьвар къекъвезва суьгьбетиз,
Гьич са гъалатl, амал тахьуй тугьметир,
Къаст кlеви хьуй, чара къулаз гьуьрметин,
Бахтлу сувар, Яран сувар мубарак!
Мергьеметдихъ халис, эжеб тlвар ава,
Пис хесетрихъ вичин себеб кар ава,
Рикl ачухайдахъни эдеб тlвар ава,
Бахтлу сувар, Яран сувар мубарак!
Хуш къилихдихъ къекъвен ажугъ береда:
Гьар садан чан аквада са жуьреда.
Бахтунин сес мецел хьуй чи дереда,
Бахтлу сувар, Яран сувар мубарак!
Бахтлу сувар
© Copyright: Магомед Мирзоев Мирзой, 2019
Свидетельство о публикации №119032009624
Свидетельство о публикации №119032009624
Рецензии