Гьиссерин женг
Женгери гъизва чи руьгьерал къабар,
Къеневай дявеяр четин жеда кьван!
Ви яракь-дуьаяр ,накъвар, азабар,
Хиялар, сабурун –зун патал къалхан.
Сa кIватIал суалар гала чи вилик,
Аквазва магълуб жез гьазур хьанва вун,
Белки вун гьахъ ятIа, пад жезвани рикI,
Белкини пара я залай ви кьатIун?
Ниятриз акси я гьечейрин паяр,
Къефесда гьатнава багьа тир гьиссер…
Шуьткьуьриз кIурукIар акатна къаяр,
Сузайри кхьизва аямдин эсер.
РикIиз табий туш чун, фикириз кьилив,
Гьа лугьуз: ида чаз хийирар гъидач!
Рекьизва кIанивал чна чи гъилив,
ЦIрада чун кьведни-икI яргъал фидач!
Ва ахпа йисари гуда секинвал,
КIанивал авачир эвел чIавуз хьиз…
Амма гьар легьзеда цав-чил къведа чал,
Гьиссерин верцIивал рикIерал хкиз….
© Copyright: Билал Адилов, 2019
Свидетельство о публикации №119031808446
Свидетельство о публикации №119031808446
Рецензии
