И дуьньяда галачир цал,
За эцигнай жуваз са к/вал.
Гуьзгуьдинбур я дак/арар
Вар ачух , алач дап/арар.
К/валин юкьвал стол иер
Гичиндани къизилгуьллер.
Цферикай хкатиз рагъ ,
Экуь жезва чарчин табагъ.
Чим гузва заз къула ачух
Темягь квай зат/ амач , артух
Гьараиз ван алаз кьилел
За зи куьрпе кьунва гъилел.
Дивандални ксанва кац
Гуьгьуьл хадай авач гьич кас.
Мад вуч к/анда, ава вири
Аллагьди чан ганва дири
Аквазвач мад чка , артух.
Рик/е ава къалабулух.
Япара зи гьатнава ван ,
И к/вале зун ялда мугьман.
Янат/а зун белки ,вили
И к/вале зав гвай тир вири.
Зи шадвални пашманвал гваз
Амукьин ман , хуш к/вале заз.
Мад фин тийин яргъал рекьиз ,
А мич/и к/вал к/ан туш рик/из!
Зи дуьнья
© Copyright: Гулья Мисриханова, 2019
Свидетельство о публикации №119031700536
Свидетельство о публикации №119031700536
Рецензии