Рагъ кукlушрин мукьварив къвез,
Дурнадин сес яргъарай къвез,
Сувал гуьзел маралар къвез,
Мубаракрай Яран сувар!
Жегьил чанар кlап1ал-к1ап1ал
Дагъларава къацу хурал,
Алук1на зумрудди партал,
Мубаракрай Яран сувар!
Саламар гваз къвезва гатфар,
Атирар гваз кьезил шагьвар,
Ша гъуцариз ийин ялвар,
Мубаракрай Яран сувар!
Нур къекъвезвай тlулал дуьзен,
Вуч гуьзел я шумал беден,
Яру ц1аю гузва темен,
Мубаракрай Яран сувар!
Яран сувар
© Copyright: Магомед Мирзоев Мирзой, 2019
Свидетельство о публикации №119031606596
Свидетельство о публикации №119031606596
Рецензии