Цхьан сайран се араваьлча,
Сигленагахь хьажар со;
Керара дог тохаделча
Санна хеташ, хайра Iо:
Сигле лепар, хоза къаьга, –
Латтар ахкан тайна ха, –
Морхий Iулаш дадар дийша –
Царга-м сатем шортта ба.
Бетта Iоакъа яр хьакъежаш,
Дуне тоъъал хестадеш –
Хийтар, сайгахьа из елаш,
Цо, везаш мо, хаттар деш…
Седкъий а доагар массанахьа –
Бетта лирца ловзар уж,
Цунна кхестар уж гоннахьа,
Сога а наггахь делалуш…
Иштта яйра сона сайре –
Вохийташ со уйлане,
Хьежаш хийтар дерриг дуне
Духхьал сайга – безаме.
Хоза яр из ахкан бийса…
Боча хьестар цо са юрт.
ХIанз а дагалатт сона айса
Цу бус хестадаь из сурт.
Июнь, 20I3 шу.
Ахкана бийса
© Copyright: Аслан Куазо Ингушетия, 2019
Свидетельство о публикации №119030306052
Свидетельство о публикации №119030306052
Рецензии