Вовзий шоана Юндаз,
Визза къонах – Ювназ? –
Ва из хьаькъал долаш,
Оамал дика йолаш.
ВIалла вац из зовза,
Кийча ва из ловза,
Дех цо каьхат, къоалам –
Царца хулаш лоIам.
Хьаю сихха Камаз,
ДIаотт, хьаду «ламаз»,
ТIаккха – даьна тарра –
ЦIогIа тох цо майрра.
Iавод цIагIа гIолла,
Шек дIавоацаш вIалла,
«Тепча», «топ» хьаийце,
ТIера гIирс а хийце.
Воал из сихха коа тIа,
Хов «машина» IотIа,
ДIа-юха из хаьхке,
Йолаш санна бехке.
ТIаккха Iо а ваьле,
Доллачунга хьаже,
Лостам бу цо коа тIа,
ЦIанал езаш чIоагIа.
Ишта ва из Юндаз –
Визза къонах – Ювназ:
Хьаькъал, денал долаш,
Оамал дика йолаш.
Январь, 20I3 шу.
Ювназ
© Copyright: Аслан Куазо Ингушетия, 2019
Свидетельство о публикации №119030305658
Свидетельство о публикации №119030305658
Рецензии