Исама ва даггара удаш,
ЦIагIа гIолла аьрдагIа лелаш…
Шийна могар хьадеш ва.
ХIаьта а, из-м дика ва
ЦIи миштай хьа, аьнна хаьттача,
МоллагI кхыяр шийха яьккхача:
- А, со Исама ва, – оал,
ТIаккха бухьар халха воал.
ЦIи, ма ярра, якхха доахке,
Оаш нийсагIдар цунах тохке –
Ислам яхаш я из цIи,
Цунца гIоза – хIара ди.
АьрдагIа, коача из вале а,
Коа тIа кхастар сиха дале а,
Берригаш цун раьза ба –
Аьннара из кийча ва.
Даимма зовне да цун велар,
Нийсархошца тайна – лелар;
Массавар цун гонахь кхест,
Цар из чIоагIа везаш хьест.
Мишта хетт шоана тха Исама?
Дувца-м кхы а дар, ха йоаца-ма.
Ва из хургволаш – Къонах,
Ца вохаш ший деналах.
Январь, 20I3 шу.
Исама
© Copyright: Аслан Куазо Ингушетия, 2019
Свидетельство о публикации №119030305616
Свидетельство о публикации №119030305616
Рецензии