Сай дай баьха, тайна гIалаш,
Со венав шун зерате,
Дагахь массаз кийча волаш –
Эше, шоана Iунал де.
Шун замашца кхеле увзаш,
Техк сай лараш – вахаре,
Шун сийле сай денца ювзаш,
Ух со хийла уйлане.
Iеле дахар дагакхоабаш,
Латт шо тахан гIайгIане;
Керда вахар хьалха доахаш,
Зама йода тайжане.
Дай лийна шо лоамий ареш –
Са къаманна даимле! –
Шо я массаз йола тешаш,
Шуца, лов-кха, хилар се.
Ду аз шоана денна дуIаш,
Кхайк со Даьле – ех аз шо;
Шуца ех дай хинна гIалаш,
Ловш даимма тайна го.
Са дай къаьна, хоза гIалаш,
Со ух шоана зерате,
Дагахь массаз кийча волаш –
ВоI хиларца – Iунал де.
Декабрь, 20I2 шу.
Дай гIалаш
© Copyright: Аслан Куазо Ингушетия, 2019
Свидетельство о публикации №119030305225
Свидетельство о публикации №119030305225
Рецензии