Сенца хургва гIалгIа маьхе? –
Езаш хуле гIоза Даьхе.
ТIаккха а сенца хургва маьхе? –
Ший мохк лорабеш из вахе.
Вале, нагахь, къам дукхадезаш,
Цунна аьттув массаза лехаш,
Толам лой цо наха денна,
Хургва тIаккха сий айденна.
Кхы а хургва гIалгIа маьхе,
Ший даь, наьна юхь еш вахе,
Оалача деша доалдеш леле,
Массарашца Iимерза хуле…
Вахе, наьха тешам болаш,
Эздела а виза волаш…
Иштта хургва-кх гIалгIа маьхе,
Кхы яц цунна сийлен урхе.
Декабрь 20I2 шу.
ГIалгIачун мах
© Copyright: Аслан Куазо Ингушетия, 2019
Свидетельство о публикации №119030305108
Свидетельство о публикации №119030305108
Рецензии