ДАДА
Яв веледар аьхю духьну,
Шули имдар хабахъ дисуз;
Хъа уьмриин хъугъ`вал дапIну,
Шуладарвухьан деетуз.
Гьарган фикрикк ккайи дада,
Гьелбет, дюн`я яв юкIвсиб дар.
Вушра яв кIваз сабур гъадабгъ,
Жандиз мюгьлет гъадабгъ, дада.
Назук хилар, назук жан хьуз,
Мумкинвал гъабхьундар увуз.
Жиларинсиб ккунду кьувват,
Уву зигру зегьмет зигуз.
Фукьан гъапIур вуйкIан гьяркат!?
Фукьан алдагънийкIан ликар?
Веледар бадали фукьан
Гъилихдар вуйкIан яв хилар?!
Гьич дарибшри му жилиин
Дада, уву апIруб пашман!
Веледарин ужувлиин
Сагъди гъузри уву гьарган!
Картина художника Имана Малеки
Дада - Мама
© Copyright: Эльмира Ашурбекова, 2019
Свидетельство о публикации №119022808349
Свидетельство о публикации №119022808349
Рецензии