Ваз инсанри чlулав вучиз лагьана?
Бахт чlулав ян-вуч чlулав тир ви,лагь,заз.
Белки гьакlа,себеб течиз лагьана-
Кlан хьанатlа гьам галачир синих кьаз?
Белки ви рикl чlулав я,заз хабар туш-
Ваз жувалай гъейри вири дакlанда?
Амма зун гьич чlалахъ жедач,за кьатlуч-
Гъвечlи рикl жен ихьтин зурба са танда!
Инсанриз,и садра авур гьахъсузвал
Вичин-акl я са гьакl тlвар яз амукьда.
Чидач хьи,кьаз ятlан чкал агъзур сар,
Ви рикlе ам чlулав тlал яз амукьда.
Заз чида,вун рази туш и дамгъадиз,
Акунач луз ви къастарин михьивал.
Гьадвай ятlа,базан рум гуз далгъадиз,
Къалурзава вуна жуван "пехъивал".
Амма мадни язух къвезва ваз абрун,
Тlурфанрин цlай туьхъуьрзава гъиле на.
Ахъайзавач на рехъ,кlеви къазайрин,
Жуван къенез хкlватlзава хъилер на...
Чlулав гьуьлуьз...
© Copyright: Намик Фарзалиев, 2019
Свидетельство о публикации №119021907841
Свидетельство о публикации №119021907841
Рецензии