ТАБАСАРАН
Йиз багъри дагълар,
Йиз дагълу гъулар,
Мистан гъусйирик
Аьсрарин сирар.
КIакIвлин чIуларик
Сирлу халачи
ДибикIну гъушну
Уста - харатчи…
Устайин хили
ДапIнайи сувагъ
Гъвандин цаларик
Накьишарин багъ.
Тарихарин юрд –
Йиз Табасаран.
Тарихарин чIвурд –
Йиз Табасаран.
Гюмин чIулиин
Кьабидарин цIар –
Гъюдран булагъдикк
Шту абцIнайи гвар.
Дернин ялвиин
Бабу гъубжу уьл,
Гьалвин дуркьиин
Чйири гъубху чюл…
Вуйиз кIваз масан
Яв герен гьарсаб,
Албаггу хизан –
Йиз Табасаран.
Мукьам йиз арсран –
Йиз Табасаран.
*Картина художника Магомеда Мурадова
Табасаран
© Copyright: Эльмира Ашурбекова, 2019
Свидетельство о публикации №119021409681
Свидетельство о публикации №119021409681
Рецензии