Ц1ыху къыпхуэмейм ещ1 щхьэусыгъуэу щы1эр:
"Си1акъым зы зэман, уэ къысхуэгъэгъу! ".
Апхуэдэ псалъэр махуэ къэс жызы1эр
Сщ1ыххэну сэ сыхуейкъым ныкъуакъуэгъу.
Си дежк1э ныбжьэгъугъэр икъук1э лъап1эщ,
Сыхуейкъым занщ1эу сэ сыкъик1уэтын.
Ауэ имы1эм ныбжьэгъугъэм к1уап1э,
Щхьэ сэри ***й зэман къыхуэзгъуэтын?
Псэуфщ сэрыншэу сэ си ныбжьэгъу лъап1эр,
Си псалъэмакъи зык1и ар хуэмей.
Аращи, сэ си нап1эр мыуп1эрап1эу
Жызо1э :"Сыток1уэт, умыгужьей! ".
Сыхуейкъым уи зэмани къып1ысхыну,
Гугъу уезгъэхьынуи зык1и сыхуэмей.
Уэрыншэуи гъащ1э къэнар схьыфынущ,
Си псэгъу сэ къэслъыхъуауэ аркъудейщ.
Ныбжьэгъум деж
© Copyright: Кипова Лена, 2019
Свидетельство о публикации №119021009098
Свидетельство о публикации №119021009098
Рецензии